काठमाडौँ, चैत १७ : राष्ट्रिय दुग्ध विकास बोर्डले ‘लोगो’ वितरण अभियान सञ्चालन गरेको छ । आन्दोलन, बन्दाबन्दीलगायत हरेक अवस्थामा निर्बाध रूपमा दूध तथा दुग्धजन्य पदार्थको गाडी चलाउन बोर्डले लोगो वितरण गरिरहेको हो ।
तत्कालीन प्रधानमन्त्री केपी शर्मा अोलीले अनावरण गरेको सो लोगो देशैभरिका डेरी उद्योगीलाई वितरण गर्ने अभियान सुरु भएको बोर्डका प्रमुख राजेन्द्र यादवले बताउनुभयो । हालसम्म ९५ वटा लोगो वितरण भइसकेका छन् ।
प्रदेश १ मा लगभग वितरण कार्य सम्पन्न भइसकेको छ भने लुम्बनी प्रदेशमा ११ वटा डेरीलाई सो लोगो प्रदान गरिएको छ । त्यस्तै बागमती प्रदेशमा लगभग प्रायः डेरीले लोगो प्राप्त गरिसकेका छन्, केही ठूला डेरी बाँकी छन् ।
मधेस प्रदेशबाट लोगोको माग नभएका कारण त्यहाँ वितरण नगरिएको उहाँले बताउनुभयो । अन्य प्रदेशबाट माग भएअनुसार लोगो वितरण गरिने प्रमुख यादवले बताउनुभयो ।
