काठमाडौं, चैत ३ : वसन्तपुर दरबार क्षेत्रमा चीरोत्थान गरेपछि सुरु भएको होलीको बिहीबार मुख्य दिन हो । रङको पर्व फागु पूर्णिमा अर्थात् होली अहिले सभ्य बन्दै गएको छ । बिहीबार वसन्तपुरमा होली खेल्न पुगेका सर्वसाधारणले त्यहाँ सुरक्षामा खटिएका प्रहरीलाई रङ दलेर होली मनाएका छन् ।
केही वर्षअघिसम्म फागुन शुक्ल अष्टमीदेखि लोला हानेर हैरान पार्नेलाई प्रहरीले पक्राउ गर्नुपर्ने हुन्थ्यो । पछिल्लो समय भने सबैले रङमात्र खेलेर रमाइलो गर्न थालेका छन् । बिहीबार होली उत्सव मनाउन वसन्तपुरमा पुगेका सर्वसाधारणले त्यहाँ सुरक्षामा खटिएका प्रहरीलाई रङ दलेर रमाइलो माहोल बनाएको थियो ।
