काठमाडौँ, फागुन २७ : नेपाली सङ्गीत आकाशमा आफ्नो भविष्य खोजिरहेका प्रतिभावान् गायक एवं मोडल सुभम् चाम्लिङ राईले साङ्गीतिक सौगात ‘धाउन नमिल्ने’ सार्वजनिक गर्नुभएको छ ।
यस गीतमा गायक राईलाई चर्चित गायिका मेलिना राईले स्वरमा साथ दिनुभएको छ । गीतकार एवं गायक डिपी खनालको गीतमा शब्द, सङ्गीत रहेको छ । गीतमा राजु कार्कीको सङ्गीत संयोजन रहेको छ । मनिक राईको कोरियोग्राफी रहेको गीतलाई ज्ञानेन्द्र शर्मा हुमागाईले छायाङ्कन गर्नुभएको हो । भिडियोमा मोडल सुभम चाम्लिङ राई र मोडल नग्मा श्रेष्ठको अभिनय रहेको छ ।
‘म त्यता धाउन नमिल्ने’, ‘तिमी यता आउन नमिल्ने’, ‘तिम्रो यादले मुटु मेरो कुटुकुटु खान्छ’ ‘तिम्रो साथ नपाए त प्राण यसै जान्छ’ लगायत बोलका गीत भिडियोमा समेटिएको छ । भिडियोमा अनिल रानाको सम्पादन रहेको छ । किरण चाम्लिङ राईको निर्देशनमा भिडियो तयार पारिएको हो । गायिका मेलिना राईको युट्युब च्यानल ‘मेलिना राई’ मार्फत भिडियो सार्वजनिक भएको हो ।
