काठमाडौं, भदौ ४ : पेरिस सैन्ट जर्माइनले लियोनल मेस्सीले शुक्रबार हुने लिग वानको खेलमा ‘डेब्यु’ गर्ने नगर्ने सम्बन्धमा अझै निर्णय गर्न सकेको छैन् । पीएसजीका प्रमुख प्रशिक्षक मौरिसियो पोचेटिनोले अझै टोलिका सदस्यहरुको निश्चित भइनसकेको बताउनुभएको छ ।
“सबैथोक सकारात्म छ, टोलिमा राम्रो वातावरण छ, मेस्सी छिट्टै राम्ररी घुलमिल हुन पुग्नुभएको छ” पोचेटिनोले बताउनुभएको छ । यद्दपी उहाँले आफूहरु मेस्सीको मूल्याङ्कन गरिरहेको र छिट्टै निर्णयमा पुग्ने बताउनुभयो ।
फ्रान्सेली फरवार्ड कायलन म्बाप्पे पीएसजी छोडेर रियल मड्रिड जाने तयारीमा रहेको राखिएको जिज्ञासामा पोचेटिनोले भन्नुभयो, “कायलन हाम्रो खेलाडी हो र जारी संस्करणमा उहाँ पीएसजीमै बस्ने विश्वास गरेको छु ।” पीएसजीले लिग वानमा आज ब्रेस्टको सामना गर्दैछ ।
