काठमाडौं, भदौ २ : नेपाल आदिवासी जनजाति महासंघ अमेरिकाको आयोजनामा नेपाल आदिवासी चलचित्र महोत्सव हुने भएको छ । उक्त महोत्सवको लागि हालै चलचित्र समेत छनोट गरिएको छ ।
२७ औ विश्व आदिवासी जनजाति दिवसको अवसरमा नेपाल आदिवासी जनजाति महासंघ अमेरिकाले आयोजना गर्न लागिएको नेपाल आदिवासी चलचित्र महोत्सव तथा निफ अवार्ड–२०२१ को लागि गत आइतवार अमेरिकाको न्यूयोर्कमा भएको एक कार्यक्रमका विच सात वटा आदिवासी चलचित्र छनोट गरिएको हो ।
विभिन्न आदिवासी जनजातिको मातृभाषामा तयार गरिएको चलचित्र छनोट गरिएको छनोट समितिले जनाएको छ । उक्त महोत्सवको लागि मातृभाषाका पन्ध्र (१६) वटा चलचित्र सहभागि भएको भएपनि छनोट समितिले सात विभिन्न जातिको चलचित्र छनोट गरिएको जनाएको छ ।
महोत्सवमा नेपालभाषामा निर्मित ऐतिहासिक चलचित्र ‘जामनः गुभाजु’ गुरुङ भाषाको ‘मि न्होर्वै’, तामाङ भाषाको ‘प्रङ्ना’, मगर भाषाको ‘ट्याङ चालक’ लिम्बु भाषामा निर्मित ‘के’, राई भाषाको ‘सायाबुङ’ र ह्योल्मो भाषाको ‘मेताक’ चलचित्र छनोट गरिएको आयोजकले जनाएको छ ।
उक्त चलचित्र महोत्सव यही अगस्ट महिनाको २१ र २२ तारिखमा प्रदर्शन गरिने पनि आयोजकले जनाएको छ ।
