बैतडी, २२ फागुन : २०६८ असारदेखि २०७६ फागुनसम्म बैतडीको तल्लोस्वराड क्षेत्रका तीनवटा स्थानीय तहका गाउँमा चितुवाले अक्रमणमा गरेर २४ जना बालबालिकाले ज्यान लिईसकेको छ भने १३ जना घाईते/अपाङ्ग बनाएको डिभिजन वन कार्यालय बैतडीको तथ्याङ्क छ ।
चितुवा गाउँमा पसेर छानीछानी बालबालिकाको शिकार गर्दै आईरहे पनि चितुवा अहिलेसम्म नियान्त्रणमा आउन सकेको छैन । राज्यले न त चितुवासम्बन्धी विज्ञ टोली नै पठाउन सकेको छ ।
सात वर्षको अवधिमा चितुवाको आक्रमणमा परेर ज्यान गुमाउने बालबालिकामा विशापुरका वीरबहादुर चन्द (डेढ वर्ष ) उदयदेवका सुनिल साउद (अढाई वर्ष) पञ्चेश्वरकी सुनिता साउद ( १० वर्ष) किथ्थी देवी साउद (२७ वर्ष) र आशाकुमारी कोली (१३ वर्ष) रहेका छन् ।
त्यसैगरि कुलाउकी निर्मला कुमारी ११ वर्ष, विशालपुरका दिपक चन्द ४ वर्ष, नवीन भट्ट ६ वर्ष, सुरज लोहार १० वर्ष, चम्फाकुमारी भट्ट ११ वर्षका रहेका छन् । आमचोराकी सुप्रिया चन्द ४ वर्ष र मञ्जु चन्द ८ वर्षका रहेका छन् ।
त्यसैगरि ज्यान गुमाउनेमा गिरेगाडाका सन्तोष चन्द ७ वर्ष, शर्मालीकी पार्वती चन्द, आमचोराका महेश चन्द ४ वर्ष, विशालपुरकी कोपिला चन्द डेढ वर्ष, र प्रतिष्ठाकुमारी बिष्ट ३ वर्ष, सपना लुहार १६ वर्ष, डम्बर सोनी ८ वर्षका पनि विशालपुरकै रहेका छन् । ज्यान गुमाउनेमा उदयदेवकी ललिता साउद ६ वर्ष, महाकालीका सचिन साउद, उदयदेवका चन्चला साउद ७ वर्ष, उजली साउद १२ वर्ष र शिवनाथका सुदिप मडै ७ वर्षका गरि २४ जनालाई चितुवाले आहारा बनाईसकेको छ ।
चितुवाले काख रित्तो बनाएपछि पञ्चेश्वर गाउँपालिका–४, आमचोराकी निर्मला चन्द घर छोडेर अर्को बिनायक गाउँमा सहारा लिएर बसिरहनु भएको छ । उहाँका ५ वर्षिय छोरा महेश चन्दलाई घरमै आएर चितुवाले दिउँसै खाएपछि उहाँ आफु बस्दै आएको घर छोडेर छिमेकीकोमा आश्रय लिएर बसिरहनु भएको हो । पीडित चन्दले भन्नुभयो, “घटनापछि त्यो घरमा जानै मन लाग्दैन । छोराकै अनुहार आँखा घुम्छ । रोजगारीका लागि श्रीमान परदेश गएका छन् । ”
नरभक्षी चितुवाको आक्रमण परेर बैतडीको शिवनाथ गाउँपालिकामा एक युवक घाईते भएका छन् । बैतडीको तल्लोस्वराड क्षेत्रमा पर्ने शिवनाथ गाउँपालिका–४ खडिक गाउँका १६ वर्षिय हर्केस साउदलाई बुधबार साँझ ७ ः०० बजे चितुवाले आक्रमण गरेर घाईते बनाएको हो ।
आठ वर्षको अवधिमा बैतडीको तल्लोस्वराड क्षेत्रमा चितुवाले २४ जना बालबालिको शिकार गरिसकेको छ । २०७६ भदौ २१ गते शिवनाथ गाउँपालिक वडा नम्बर –२ का सात वर्षिय सुदिप मडैलाई नरभक्षी चितुवाले झम्टेर जंगलमा लगेर खाएको थियो ।
भदौपछि एक्कासी पुनः फागुनमा देखापरेको चितुवाले बुधबार साँझ पिपलकोट माध्यमिक विद्यायमा लोजनीमा कक्षामा ९ मा अध्ययनरत हर्केस साउद बुधबार साँझ विद्यालयबाट घर फर्केर गाउँ नजिकैको मकैल गाउँमा लागेको पूजापाठ र कथाको निम्तोमा जान लागेको बेलामा चितुवाले आक्रमण गरेको प्रहरीले जानकारी दिएको छ ।
घटनाबारे जानकारी हुने बित्तिकै स्थानीय सुल्लेखान प्रहरी चौकीबाट घटना स्थलमा प्रहरी खटाईएको जिल्ला प्रहरी कार्यालय बैतडीका प्रमुख डिल्लीनारायण पाण्डेयले जानकारी दिनुभयो ।
चितुवाको आक्रमणमा परेर साउदको दायाँ खुट्टामा गम्भीर घाउ बनेको छ । चितुवाले आक्रमण गर्ने बित्तिकै स्थानीय गाउँलेले होलल्ला गरेपछि चितुवा भागेको थियो । घाईते युवालाई उद्धार गरेर पिपलकोट स्वास्थ्य चौकीमा उपचारका लागि लगिएको शिवनाथ गाउँपालिकाका अध्यक्ष कर्ण साउदले जानकारी दिनुभयो ।
गत २०७६ भदौमा शिवनाथ गाउँपालिका –२, मा चितुवाले आक्रमण गरेर एक बालको ज्यान गएको छ मसहना बित्न नपाउँदै गाउँमा पुनः नरभक्षी चितुवाको आतङ्क सुरु भएको शिवनाथ गाउँपालिकाले जानकारी दिएको छ ।
बैतडीको तल्लोस्वराड क्षेत्रमा पर्ने शिवनाथ गाउँपालिका, पञ्चेश्वर गाउँपालिका र मेलौली नगरपालिकामा विगत ८ वर्षमा नरभक्षी चितुवाले २४ जनाको ज्यान लिईसकेको छ ।
नरभक्षी चिनुवाले बैतडीको तल्लोस्वराड क्षेत्रमा निरन्तर बालबालिकाको शिकार गर्न थालेपछि गाउँले पीडित हुँदै आएको शिवनाथ गाउँपालिकाले जानकारी दिएको छ ।
