काठमाडौं, फागुन ३ : भारतले इंग्ल्याण्डविरुद्धको दोस्रो टेष्ट खेलमा ४८२ रनको लक्ष्य प्रस्तुत गरेको छ । जवाफमा इंग्ल्याण्डले कमजोर सुरुवात गरेको छ । उसले तेस्रो दिनको खेल सकिँदासम्म तीन विकेटको क्षतिमा ५३ रन जोडेको छ ।
इंग्ल्याण्डलाई जितको लागि पुरै दुई दिनको खेलमा ४२९ रन ल्याउन आवश्यक छ भने उसको सात विकेट बाँकी छ । उसको पारीमा रोरी बर्नस २५, डाम सिब्ली तीन र ज्याक लिच खाता नखोल्दै पेभेलियन फर्किएका छन् । डान लौरेन्सले १९ तथा कप्तान ज्याक रुटले दुई रन बनाएर चौथो दिनको खेल अगाडि बढाउनुहुनेछ । भारतका लागि अक्षर पटेलले दुई र रबिचन्द्रन अश्विनले एक विकेट लिनुभयो ।
त्यसअघि, तेस्रो दिनको खेल एक विकेटको क्षतिमा ५४ रनबाट दोस्रो पारी अगाडि बढाएको भारतले तेस्रो दिनमा थप २३२ रन जोडेर अलआउट हुँदा इंग्ल्याण्डले ४८२ रनको लक्ष्य पाएको हो । पहिलो पारीमा भारतले १९५ रनको अग्रता लिएको थियो । भारतका लागि बलिङ्ग अलराउन्डर रबिचन्द्रन अश्विनले ओली स्टोनको बलमा बोल्ड हुनुअघि १०६ रनको उत्कृष्ट पारी खेल्नुभयो । कप्तान विराट कोहलीले ६२ रनको योगदान दिनुभयो । दुबैजनाले सातौं विकेटका लागि ९६ रनको साझेदारी गर्नुभयो ।
इंग्ल्याण्डका लागि ज्याक लिच र मोइन अलि दुबै जनाले सामान चार चार विकेट लिँदा ओली स्टोनले एक विकेट लिनुभयो । चेतेश्वर पूजारा सात रन बनाएर रन आउट हुन पुग्नुभयो । त्यसअघि, चेन्नईमा टस जितेर पहिला ब्याटिंग गर्ने निर्णय गरेको भारतले आफ्नो पहिलो पारीमा ३२९ रनको औसत योगफल तयार गरेको थियो । घरेलु टोलिले ८६ रनमै तीन प्रमुख ब्याट्सम्यान गुमाएपछि दबाबमा आएको थियो । तर ओपनर रोहित शर्माले तेज शतक लगाएपछि उसको पारी उकासिएको थियो ।
शुभमन गिल डक आउन हुन पुग्दा भारतले खाता समेत खोल्न सकेको थिएन । चेतेश्वर पूजारा २२ र कप्तान विराट कोहली समेत डक आउट हुन पुग्नुभयो । रोहितले चौथो विकेटका लागि अजिन्क्यै रहानेसँग १६६ रनको साझेदारी गर्नुभयो । रोहित शर्मा २३१ बलमा १८ चौका र दुई छक्काको सहयोगमा १६१ रनको पारी खेलेर ज्याक लिचको बलमा मोइन अलिलाई क्याच थमाउनुभयो । रहाने ६७ रन बनाएर मोइन अलिको बलमा बोल्ड हुन पुग्नुभयो । भारतको पारीका चार जना ब्याट्सम्यान डक आउट भए ।
इंग्ल्याण्डका लागि मोइन अलिले सर्वाधिक चार तथा ओली स्टोनले तीन र ज्याक लिच दुई र जोइ रुटले एक विकेट लिनुभयो । दोस्रो दिनको खेलमा करिब २४ ओभर बाँकी रहँदा इंग्ल्याण्डले ५९ ओभर ५ बल खेलेर १३४ रनमा समेटियो । इंग्ल्याण्डको पारीमा विकेटकीपर ब्याट्सम्यान बेन फोक्सले सर्वाधिक ४२ रनको योगदान दिनुभयो । बेन्न स्टोक्सले १८ तथा डोम सिब्लीले १६ र ओली पोपले २२ रन बनाएर पेभेलियन फर्किनुभयो ।
इंग्ल्याण्डलाई सस्तोमै समेटन भारतका लागि रबिचन्द्रन आश्विनले सर्वाधिक पाँच विकेट लिनुभयो । अक्षर पटेल र इशान्त शर्माले सामान दुई दुई र मोहम्मद सिराजले एक विकेट लिनुभयो । भारतको पारीका चार जना ब्याट्सम्यान डक आउट भए । इंग्ल्याण्डका लागि मोइन अलिले सर्वाधिक चार तथा ओली स्टोनले तीन र ज्याक लिच दुई र जोइ रुटले एक विकेट लिनुभयो । चार म्याचको टेष्ट श्रृखंलामा इंग्ल्याण्ड १–० ले अगाडि छ ।
