काठमाडौं, माघ १४ : सशस्त्र प्रहरी बल (एपीएफ)ले पहिलो सेमिफाइनल खेलमा नेपाल पुलिस समक्ष २०४ रनको लक्ष्य प्रस्तुत गरेको छ । प्रधानमन्त्री कप पुरुष राष्ट्रिय क्रिकेट प्रतियोगिताको पहिलो सेमिफाइनल खेलमा एपीएफ पुरै ५० ओभर खेलेर नौ विकेटको क्षतिमा २०३ रनको योगफल तयार ग-यो ।
कीर्तिपुरस्थित त्रिवि क्रिकेट ग्राउन्डमा टस हारेर पहिला ब्याटिंग गर्ने निर्णय गरेको एपीएफले कमजोर सुरुवात गर्दै ४३ रनमै चार विकेट गुमाउन पुग्यो । मध्यक्रममा शंकर राना र भुवन कार्कीले संयमित पारी खेल्दै ऊ सामान्य योगफलसम्म अग्रसर हुन सफल भयो । नेपाल पुलिसका लागि आरिफ शेषले मात्र १० ओभरमा ३१ रन खर्चेर सर्वाधिक तीन विकेट लिनुभयो ।
