काठमाडौं, पुस १२ : आर्सनलले चेल्सीमाथि जित हात पारेको छ । प्रिमियर लिगमा लगातार सात खेलमा हार बेहोर्दा प्रशिक्षक मिकेल अर्टेटामाथि दबाब बढिरहँदा आर्सनलले जित निकालेको हो ।
गए राति सम्पन्न खेलमा आर्सनलले चेल्सीमाथि ३–१ को जित हात पार्यो । पहिलो हाफमा दुई गोलको अग्रता लिएको आर्सनललाई नोभेम्बर एकपछि पहिलो जितको आधार तयार गर्यो । ३४ औं मिनेटमा एलेक्जेण्ड्रा लकाजेटीले चेल्सीका गोलरक्षक एडर्ड मेन्डीलाई छल्दै पेनाल्टी क्षेत्रबाट गर्नुभएको प्रहार गोलमा परिणत हुँदा आर्सनलले पहिलो अग्रता कायम गर्यो । दश मिनेटपछि ग्रानिट हाकाको फ्री किक गोलमा परिणत हुँदा आर्सनललाई २–० को अग्रता दिलाउँदै खेलमा पूर्ण नियन्त्रण कायम गर्यो ।
५६ औं मिनेटमा बुकायो साकाको क्रस आर्सनलका लागि तेस्रो गोल थप्दै भ्रमणकारी चेल्सीलाई खेल नियन्त्रणबाट बाहिर लग्यो । टामी अब्राहमले खेल सकिन पाँच मिनेट मात्रै बाँकी रहँदा गोल फर्काएपनि चेल्सीको शान्त्वना गोल मात्रै रहन गयो । जितसँगै आर्सनल अङ्क तालिकाको १४ औं स्थानमा उक्लेको छ । फ्रान्क लाम्पार्डको चेल्सी भने दोस्रो स्थानमा उक्लिने अवसर गुमायो ।
