काठमाडौं, असोज ३ : गायक जयन जे. वाइबाको ‘जय जगत’ बोलको गीतको म्युजिक भिडियो सार्वजनिक भएको छ । जयनकै शब्द, संगीत र स्वरमा रहेको राष्ट्रिय भावना बोकेको गीतले मानवताको सन्देश पनि बोकेको छ । गीतमा उदीयमान कलाकार कबिर खड्काको सोलो अभिनय रहेको छ ।
शरद महतोको निर्देशन, छायांकन तथा सम्पादनमा तयार भएको यो म्युजिक भिडियो काठमाडौं उपत्यकाका विभिन्न धार्मिक तथा पर्यटकीय स्थलमा खिचिएको छ । निषेधाज्ञाकै बेला भिडियो सुटिङ गरिएको निर्माण पक्षले बताएको छ ।
प्रवेश पौडेल कार्यकारी निर्माता रहेको ‘जय जगत’ बोलको भिडियो ओएसआर डिजिटल नामक युट्युब च्यानलबाट शनिबार दिउँसो सार्वजनिक भएको हो ।
