काठमाडौँ, २० साउन : न्युरोड टिम (एनआरटी) क्लबले ललित स्मृति एन्फा यु–१८ युथ लिगमा विभागीय टोली त्रिभुवन आर्मी क्लबमाथि फराकिलो जित निकालेको छ ।
सातदोबाटोस्थित एन्फा मैदानमा आइतबार भएको खेलमा एनआरटीले आर्मीलाई ४–२ गोलले हरायो । एनआरटीको जितमा कप्तान विज्ञान खड्काले ह्याट्रिक गर्नुभयो । अर्को गोल सन्तोष गोन्ग्बाले थप्नुभयो ।
आर्मीका लागि भुवन कामी र अनुभव पुरीले एक एक गोल फर्काउनुभयो । जितसँगै सात खेलबाट १६ अङ्क बनाएको एनआरटी दोस्रो स्थानमा उक्लिएको छ । समान खेलबाट चार अङ्क बनाएको आर्मी १०औँ स्थानमा छ ।
