काठमाडौँ, २३ पुस : कठिन प्रतिद्वन्द्वी आर्सनललाई उसैको मैदानमा हराउँदै लिभरपुल एफए कप फुटबलको चौथो चरणमा प्रवेश गरेको छ । आइतबार राति भएको खेलमा लिभरपुलले आर्सनललाई २–० गोलले हरायो ।
लिभरपुलको जितमा लुइस डियाजले दोस्रो हाफको इन्जुरी समयमा गोल गर्नुभयो । यसअघि लिभरपुलले ८०औँ मिनेटमा आर्सनलका जाकुब किविवरको आत्मघाती गोल सहयोगमा सुरुवाती अग्रता लिएको थियो ।
बल बचाउने क्रमममा रक्षक जाकुबको प्रहार आफ्नै पोस्टमा गोल भएको थियो । आर्सनलले पटक पटक गोल फर्काउने प्रयास गरे पनि सफल भएन । (एजेन्सी)
