काठमाडौं, वैशाख २८ : सरकारले लकडाउन केही खुकुलो पारी वित्तीय संस्था उद्योग कलकारखान खुला गरेसँगै उपत्यका भित्र सवारी पास वितरणमा पनि केही खुकुलो नीति ल्याइएको छ ।
यसअघि सम्बन्धित जिल्ला प्रशासन कार्यालयहरुबाट मात्र पास जारी हुने गरेकोमा अब सम्बन्धित मन्त्रालय तथा अन्य निकायका तोकिएका अधिकारीबाट समेत सावरी पास जारी गर्ने निर्णय भएको छ ।
काठमाडौं जिल्लाका प्रमुख जिल्ला अधिकारीको संयोजकत्वमा आज उपत्यकाका तीनैवटै जिल्लाका प्रमुख जिल्ला अधिकारी, वाणिज्य, आपूर्ति तथा उपाभोक्ता हित संरक्षण विभाग तथा उद्योग विभागका प्रतिनिधि र सुरक्षा निकायका प्रतिनिधिसमेतको बैठकले सो निर्णय गरेको हो ।
