धनकुटा, १८ वैशाख : धनकुटाको चौबिसे गाउँपालिकास्थित राजारानीमा सञ्चालन हुँदै आएको १०औँ रारा कप फुटबल प्रतियोगिता यही वैशाख २२ गतेदेखि सुरु हुने भएको छ ।
जिल्लाको दोस्रो ठूलो यस फुटबल प्रतियोगिताको सम्पूर्ण तयारी पूरा भएको आयोजक संस्था रारा ९राजारानी० फुटबल क्लब धनकुटाले पत्रकार सम्मेलन गरेर जानकारी दिएको छ । चण्डी पूर्णिमाको अवसर पारेर यही वैशाख २८ गतेसम्म राजारानी खेल मैदानमा सञ्चालन हुने उक्त प्रतियोगितामा नेपालभरिका उत्कृष्ट तथा ए डिभिजन फुटबल टोलीको सहभागिता रहनेछ ।
गोर्खा बु्रअरीको प्रायोजन तथा चौबिसे गाउँपालिकाको सहयोगमा सम्पन्न हुन लागेको उक्त प्रतियोगितामा आठ फुटबल टोलीको सहभागिता रहने आयोजक संस्थाका अध्यक्ष मणि लिम्बूले जानकारी दिनुभयो । रु ३६ लाख ५० हजारको अनुमानित खर्चमा सम्पन्न हुन लागेको उक्त प्रतियोगिताका बिजेताले नगद तीन लाखसहित शिल्ड पाउनेछ ।
त्यस्तै दोस्रो हुने टोलीले नगद रु एक लाख ५० हजार नगद पाउने आयोजक संस्थाका सचिव युवराज कटुवालले जानकारी दिनुभयो ।
विसं २०५८ देखि सञ्चालनमा आएको यस प्रतियोगिताले खेल पर्यटन प्रवद्र्धनमा महत्वपूर्ण सहयोग पु¥याउने गाउँपालिकाका अध्यक्ष राजकुमार लिम्बूले बताउनुभयो । हरेक वडामा खेल मैदान रहेको यस गाउँपालिकालाई फुटबलको क्षेत्रमा राष्ट्रिय खेलाडी उत्पादन गर्ने थलोका रुपमा धनकुटा जिल्लामा परिचित छ ।
