काठमाडौं, कात्तिक ६ : आइतबारदेखि यमपञ्चक सुरु भएको छ। पहिलो दिन कागको पूजा गरिएको छ। तिहारलाई फूलको पर्व मानिन्छ। तिहारमा मखमली र सयपत्रीको फूल सबैभन्दा बढी माग हुन्छ।
राजधानीका मुख्य बजार र चोकका अधिकांश पसलमा बिक्रीका लागि फूल राखिएका छन्। तिहारमा घर तथा पूजाकोठा सजाउनका लागि सयपत्री र मखमली फूलको प्रयोग हुन्छ। काठमाडौंको नयाँ सडक क्षेत्रमा सयपत्री फूलको माला एक हजार रुपियाँदेखि १२ सय रुपियाँसम्ममा बिक्री हुँदै आएको छ। व्यवसायीले तिहारमा मालाको झुप्पाझुप्पा बनाएर बिक्री गर्दै आएका छन्।
