काठमाडौं, जेठ २८ : गायिका अस्मिता अधिकारी र गायक मनोज खनालको स्वरमा रहेको ‘खोलीको पानी’ बोलको लोक आधुनिक गीत सार्वजनिक गरिएको छ । मौलिकतामा आधारित यो गीत सरोज पोखरेल नामक युट्युब च्यानलबाट सार्वजनिक गरिएको हो ।
गीतमा नेपाली साहित्यका अनेक आयाममा कलम चलाउने गीतकार बिष्णु भण्डारीको शब्द र सरोज पोखरेलको संगीत रहेको छ । गीतलाई सुनिल परियारले एरेन्ज गर्नुभएको हो भने गीतमा समारिका ढकाल र प्रिन्स विस्वकर्माको अभिनय देख्न सकिन्छ । गीतको भिडियो साजन कट्टेलको निर्देशन गर्नुभएको हो ।
