ब्रसेल्स, चैत २१ : कोरोना भाइरसको संक्रमणका कारण बेल्जियमको प्रो लिग स्थगित हुने युरोपको पहिलो ठूलो लिग हुने भएको छ । अहिले तत्काल जुन लिग अंक तालिका छ, त्यसैलाई अन्तिम मानिने छ र त्यसको शीर्ष स्थानमा रहेको क्लब ब्रुग लिग च्याम्पियन घोषणा हुनेछ ।
लिगका एक चरणका खेल बाँकी भएपनि अब कुनै पनि खेल हुने छैनन् । लिगको बोर्डले यो निर्णय गरेको हो र यसलाई लिगका साधारण सभाले पारित भने गर्नु पर्नेछ । क्लब ब्रुगलाई लिग तालिकामा दोस्रो स्थानमा रहेको जेन्कमाथि १५ अंकको अग्रता प्राप्त छ । साधारण सभाले लिगका बाँकी स्थान र रेलिगेसन क्षेत्रको प्ले अफका लागि थप निर्णय पनि गर्नेछ ।
