मङ्गलबारे, जेठ ४ : इलामको रोङ गाउँपालिकाको अध्यक्षमा गठबन्धनका तर्फबाट नेपाली कांग्रेसका मणिकुमार स्याङ्बो तामाङ (सुवास) निर्वाचित हुनुभएको छ । निकटतम प्रतिस्पर्धी नेकपा (एमाले)का मेहरमान तामाङलाई पछि पार्दै उहाँ विजयी हुनुभएको हो । विजयी सुवासले चार हजार ६७९ मत प्राप्त गर्नुभएको छ भने निकटतम प्रतिस्पर्धी नेकपा एमालेका मेहरमानले चार हजार ३२२ मत प्राप्त गर्नुभएको थियो ।
गाउँपालिकाको उपाध्यक्षमा एमालेकी विष्णुमाया भुजेल विजयी हुनुभएको छ । उपाध्यक्षमा विजयी भुजेलले चार हजार ६५६ मत प्राप्त गर्दा निकटतम प्रतिद्वन्द्वी गठबन्धनकी कल्पना खनाल भण्डारीले चार हजार १९७ मत प्राप्त गर्नुभएको थियो ।
छ वटा वडा रहेको रोङ गाउँपालिकाको तीन वटा वडाध्यक्ष नेपाली कांग्रेसका उम्मेदवार विजयी बन्नुभएको छ । दुई वटा वडामा नेकपा एमालेका उम्मेदवार विजयी बन्नुभएको छ । वडा नं २ मा स्वतन्त्रतर्फबाट उम्मेदवारी दर्ता गराउनुभएका उम्मेदवार विजयी बन्नुभएको छ ।
