जलेश्वर, जेठ ४ : रामगोपालपुर नगरपालिका प्रमुखमा नेकपा एमालेका रामदुलार साह विजयी हुनुभएको छ । उहाँले ५ हजार ३४९ मत प्राप्त गर्नुभयो ।
त्यस्तै उपप्रमुखमा एमालेकी रिनादेवी यादव चार हजार २६३ मत ल्याएर विजयी हुनुभयो । दुवै जनाका निकटतम प्रतिद्वन्द्वी क्रमशः नेकपा (माओवादी केन्द्र) का अशोककुमार मण्डल र नेपाली कांग्रेसकी पुष्पादेवी कुशवाहाले क्रमशः ३ हजार ५८६ र तीन हजार ४०३ मत ल्याउनुभयो ।
यस्तै मनरासिस्वा नगरपालिकाको प्रमुखमा नेपाली कांग्रेसका मोहन पाण्डेय पाँच हजार ८८४ मत ल्याएर विजयी हुनुभयो । उपप्रमुखमा सोही पार्टीकी सकुन्तला देवीले पाँच हजार ७४५ मत ल्याएर विजयी हुनुभयो । उहाँहरुका निकटतम प्रतिद्वन्द्वी क्रमशः जनता समाजवादी पार्टीका महेन्द्र राय र सोही पार्टीकी निर्मलाकुमारीदेवी सिंहले क्रमशः चार हजार ९२० तथा चार हजार ८४२ मत प्राप्त गर्नुभयो ।
