धादिङ, जेठ ३ : उत्तरी धादिङको खनियाबास गाउँपालिकामा गठबन्धनका उम्मेदखवार विजयी भएका छन् । अध्यक्षमा गठबन्धनबाट नेपाली कांग्रेसका रणबहादुर तामाङ विजयी हुनुभएको छ । तामाङले एक हजार ६०९ मत प्राप्त गरी विजयी हुनुभएको हो । उहाँका निकटतम प्रतिस्पर्धी स्वतन्त्रका फूलबहादुर तामाङले एक हजार ३९६ मत प्रप्त गर्नुभएको छ ।
विजयी गत स्थानीय तह निर्वाचनमा गाउँपालिका अध्यक्ष हुनुहुन्थ्यो । उपाध्यक्षमा गठबन्धनकाबाट नेकपा माओवादी केन्द्रका सेक्केमान तमाङले एक हजार ८२७ प्राप्त गरी विजयी हुनुभयो । उहाँका निकटतम् प्रतिस्पर्धी राप्रपाबाट मरियम तामाङले एक हजार २२७ मत प्रप्त गर्नुभएको थियो ।
