नयाँ दिल्ली, १९ पुस : बाक्लो कुहिरोले शुक्रबार उत्तरी भारतका उडान र रेल सञ्चालनमा असर परेको छ । धेरै स्थानीय मिडिया रिपोर्टहरूले राष्ट्रिय राजधानी दिल्लीको भारत गान्धी अन्तर्राष्ट्रिय विमानस्थलमा २०० उडानहरू ढिलाइ भएको बताए ।
दिल्ली इन्टरनेशनल एयरपोर्ट लिमिटेड (डिआइएएल) ले शुक्रबार बिहान सोशल मिडियामा लेख्यो, “दिल्ली एयरपोर्टमा उडानहरू प्रभावित हुन सक्छन् । यात्रुहरूलाई अद्यावधिक उडान जानकारीको लागि सम्बन्धित एयरलाइन्सलाई सम्पर्क गर्न सल्लाह दिइन्छ ।”
कम भिजिबिलिटीका कारण स्पाइसजेट, इन्डिगो र एयर इन्डियालगायतका एयरलाइन्सका उडान प्रभावित भएका छन् । अर्को निजी एयरलाइन इन्डिगोले आफ्ना यात्रुहरूलाई वैकल्पिक विकल्पहरू रोज्न आग्रह गरेको छ ।
भारतीय रेलवेले कम्तिमा २४ रेल बाक्लो कुहिरोका कारण ढिलाइ भएको जनाएको छ । केही रेलहरू ४.५ घण्टा भन्दा बढी ढिलो भएका थिए ।
बाक्लो कुहिरो आगामी दुई दिनसम्म उत्तरपश्चिम तथा मध्य भारतका केही भागहरूमा जारी रहने र त्यसपछि सुधार हुने सम्भावना रहेको भारतीय मौसम विज्ञान विभागले शुक्रबार जनाएको छ । (रासस/सिन्ह्वा)
