काठमाडौँ, १५ असोज : क्यानडामा जारी त्रिकोणात्मक टि–ट्वान्टी सिरिजअन्तर्गत घरेलु टोलीविरुद्धको खेलमा नेपालले टस हारेर ब्याटिङ गर्ने भएको छ ।
क्यानडाको किङ सिटीमा भर्खरै भएको टसमा क्यानडाका कप्तान निकोलस कीर्तनले टस जितेर पहिला बलिङ रोजेका छन् । यससँगै नेपालले अब पहिला ब्याटिङ गर्ने भएको छ ।
यस सिरजको पहिलो खेलमा नेपाल क्यानडासँग १४ रनले पराजित भएको थियो । यस खेलमा नेपाललाई त्यस हारको बदला लिने मौका छ ।
नेपालको प्लेइङ एघारमा कप्तान रोहित पौडेलसँगै आसिफ शेख, कुशल भुर्तेल, अनिल शाह, कुशल मल्ल, दीपेन्द्रसिंह ऐरी, गुलशन झा, करण केसी, सोमपाल कामी, सन्दीप लामिछाने र ललित राजवंशी छन ।
