काठमाडौं, १२ पुस : गीतकार कुमार शिवाकोटीको सिउॅंडीको काँडैमा बोलको गीतको भिडियो रिलिज भएको छ। गायक रमेश कँडेलको स्वर रहेको सिउॅंडीको काँडैमा कल्याण सिंहको सङ्गीत रहेको छ भने मोहित मुनालको एरेन्ज रहेको छ।
छमछम नचाउने शैलीको सिउॅंडीको काँडैमा मोडल बिना राउतसँग निक्स शर्मा गज्जबसँग खुलेका छन्। एक रोमान्टिक प्रेम कहानी र आफ्नी मायालुको प्रेमीले खुलेर प्रशंसा गरिएको सिउॅंडीको काँडैमा निर्देशकले बिना र निक्सलाई छमछम नचाउनुभएको छ।
प्रेम, रोमान्सले भरिएको सिउॅंडीको काँडैमाको निर्माताका रूपमा यशना लुइँटेल, प्रिन्सा शर्मा र प्रनिका शिवाकोटी हुनुहुन्छ। यसअघि प्रेम र विरहका गीत बजारमा ल्याएका गीतकार कुमार शिवाकोटीले फरक शैलीको छमछम नचाउने गीतको भिडियोबाट आफूले निकै नै आशा राखेको बताउनुभयो।
अमेरिकामा रहेका गीतकार शिवाकोटीले यसअघि ‘भिझाएर आँसु’, ‘पिरतीको खेल’, ‘प्रियसी’ बजारमा ल्याइसकेका छन्। उनको हामी नेपाली बोलको गीत रिलिजको क्रममा रहेको छ। गीत लेखनमा लामो समयदेखि आफ्नो सक्रियता बढाइरहेका गीतकार शिवाकोटीले अहिलेसम्म दुई दर्जन बढी गीत आफ्नै शब्दमा रेकर्ड गराइसक्नुभएको छ।
