काठमाडौं, ११ साउन : महेश ताम्राकारको शब्द, सङ्गीत रहेको ‘पियार’ बोलको म्युजिक भिडियो सार्वजनिक भएको छ । गीतमा गायिका निखिता थापा र गायक जनक ताम्राकारको सुमधुर स्वर सुन्न सकिन्छ । गीतमा सङ्गीत संयोजन प्रसन परियारको रहेको छ ।
उत्तम हुमागाईले छायाङ्कन गरेको यस गीतको भिडियोमा अभिनेत्री मल्लिका महत र अनुज गुरुङबीचको अन्स्क्रिन प्रेम र रोमान्स देख्न सकिन्छ । भिडियोमा श्रवानी र अर्नबको समेत अभिनय छ । विकास धमलाले सम्पादन रहेको भिडियोलाई निकेश खड्काको निर्देशनमा भिडियो तयार पारिएको हो । भिडियोको निर्मात्री दिलु गुरुङ हुन् ।
यसअघि यो गीतको आर्टिस्ट भर्सन भिडियो सार्वजनिक भइसकेको छ । भिडियो गायक ताम्राकारको युट्युब च्यानल ’जनक ताम्राकार’मार्फत सार्वजनिक भएको हो । यी दुई दाजुभाइका यसअघि थुप्रै सङ्गीत सिर्जनाहरु दर्शक, श्राेतामाझ लोकप्रिय भइसकेका छन् ।
