काठमाडौं, २८ असार : गायक शिव सागर खड्काको स्वरमा ‘मलाई खोज्नु पर्ला’ बोलको गीतको भिडियो सार्वजनिक भएको छ । सार्वजनिक गीतमा शब्द तथा सङ्गीत गायक खड्काकै रहेको छ । गीतमा रिकेश गुरुगंको एरेन्ज तथा मिक्सिंग गर्नुभएको छ ।
गीतको भिडियोमा रामचन्द्र अधिकारी, गायक खड्का र खुसी भट्टराईको अभिनय रहेको छ । बालकलाकारको रूपमा प्रनिश पराजुलीको अभिनय देख्न सकिन्छ । भिडियोमा छायाङ्कन मुकेश हुमागाईँले गर्नुभएको हो भने सम्पादन तथा कलर मीन रावलको रहेको छ ।
भिडियोको निर्देशन सङ्गीत सागर बुर्जाले गर्नुभएको हो । यसअघि गायक खड्काका ट्राफिक जाम, निष्ठुरी भयौँ रे, यो नयाँ जोडी, धरहरा खै, लगायत दर्जन बढी गीत बजारमा आइसकेका छन् ।
