काठमाडौं, भदौ १९ : अभिनेत्री नम्रता सापकोटा अभिनित नयाँ म्युजिक भिडियो ‘कालो कोठी’ सार्वजनिक गरिएको छ । गीतको भिडियो गायिका रानी शाक्यको युट्युव च्यानलमार्फत सार्वजनिक गरिएको हो ।
गीतमा गायिका रानी शाक्य र गायक सिडी विजय अधिकारीको स्वर रहेको छ । समीर राईको शब्द रहेको गीतमा विक्रम थापाको संगीत छ ।
भिडियोमा नम्रतासँगै सुधिर श्रेष्ठ फिचर्ड छन् । बुद्ध थापाको छायांकन रहेको भिडियोलाई बिष्णु खड्काले सम्पादन गर्नुभएको हो भने भिडियोको निर्देशक रायन कार्की हुनुहुन्छ ।
