कञ्चनपुर, जेठ ९ : कञ्चनपुरको भीमदत्त नगरपालिकामा नगर प्रमुख र उपपप्रमुखमा नेपाली काँग्रेसका उम्मेदवार विजयी भएका छन् । प्रमुखमा काँग्रेसका पदम बोगटी निर्वाचित भएका हुन् भने उपप्रमुखमा पनि काँग्रेसकै निलम जोशी निर्वाचित भएकी छिन् ।
प्रमुखमा विजयी बोगटीले १५ हजार ८ सय ८२ मत प्राप्त गरेको नगरपालिकाका मुख्य निर्वाचन अधिकृत मदनबहादुर धामीले बताए । उनका निकटतम प्रतिद्वन्द्वी नेकपा एमालेका महेशप्रसाद पन्तले ८१७९ मत प्राप्त गरे ।
त्यस्तै उपप्रमुखमा विजयी जोशीले १२ हजार २ सय १६ मत प्राप्त गरिन् । उनका निकटतम प्रतिद्वन्द्वी नेकपा माओवादी केन्द्रका कृष्णदत्त जोशीले १० हजार ५ सय ९६ मत गरेको मुख्य निर्वाचन अधिकृत धमीले जानकारी दिए ।
