रौतहट, जेठ ५ : रौतहटको मौलापुर नगरपालिकाको प्रमुखमा पुनः रीनाकुमारी साह निर्वाचित हुनुभएको छ । स्थानीय तह निर्वाचन २०७९ अन्तर्गत भएको निर्वाचनमा नेपाल कम्युनिष्ट पार्टी (एमाले) की उम्मेदवार रिनाकुमारी साहले पाँच हजार ५६४ मत प्राप्त गरी विजयी हुनुभएको छ ।
उहाँले निकटतम प्रतिस्पर्धी नेपाल कम्युनिष्ट पार्टी (माओवादी केन्द्र) का उम्मेदवार रामप्रवेश राय यादवलाई दुई हजार ५०२ मतान्तरले पराजित हुनुभएको हो । यादवले तीन हजार ६२ मत प्राप्त गर्नुभएको छ । उपप्रमुखमा एमालेका नागेन्द्रप्रसाद यादव विजयी हुनुभएको छ । उहाँले चार हजार ९१४ मत प्राप्त गरी पुनःउपप्रमुखमा निर्वाचित हुनुभएको हो । उहाँका निकटतम प्रतिस्पर्धी माओवादीका उम्मेदवार रिनाकुमारी साहले तीन हजार ४०४ मत प्राप्त गर्नुभएको छ ।
मौलापुर नगरपालिकामा कूल ३२ हजार ४६८ जनसङ्ख्या रहेको छ भने कूल मतदाता सङ्ख्या १४ हजार ७८४ रहेको छ । जसमा आठ हजार १६९ पुरुष र छ हजार ६१५ महिला रहेका छन् । यस नगरपालिकामा नौ वडा रहेका छन् ।
