दैलेख, जेठ ४ : आठबिस नगरपालिकाको प्रमुख र उपप्रमुखमा एमाले विजयी भएको छ । एमालेबाट प्रमुखमा तर्कबहादुर बडुवाल विजयी हुनुभयो भने उपप्रमुखमा कल्पनाकुमारी थापा विजयी हुनुभयो ।
कांग्रेसका उम्मेदवार प्रेमप्रकाश शाहीलाई २६१ मतान्तरले हराउँदै बडुवाल विजयी हुनुभएको आठबिस नगरपालिकाका निर्वाचन अधिकृत ओमबहादुर अधिकारीले जानकारी दिनुभयो । उहाँका अनुसार बहुमत वडासहित विजयी बडुवालले पाँच हजार ३२७ मत ल्याउनुभयो । पराजित शाहीले पाँच हजार ६६ मत मात्रै पाउनुभयो ।
यस्तै उपप्रमुखमा एक हजार ४८ मतान्तरले एमालेकी थापा विजयी हुनुभयो । कांग्रेसकी उम्मेदवार निशा थापाले चार हजार ९६५ मत ल्याएर पराजित हुँदा थापाले पाँच हजार ११३ मत ल्याएर विजयी हुनुभयो ।
