खलङ्गा, जेठ ३ : जुम्लाको तातोपानी गाउँपालिकामा नेपाली कांग्रेसले विजयी हासिल गरेको छ । गाउँपालिका अध्यक्षमा कांग्रेसका उम्मेदवार नन्दप्रसाद चौलागाईले दुई हजार ३२० मतका साथ विजयी हुनुभएको छ । उहाँका निकटतम प्रतिस्पर्धी नेकपा (माओवादी केन्द्र)का विरकहादुर कुँवरले एक हजार ८०६ मत पाउनुभएको छ ।
उपाध्यक्षमा माओवादी केन्द्रकी रेवती रावलले दुई हजार ७५८ मतका साथ विजयी हुँदा कांग्रेसकी विन्दु अधिकारीले एक हजार ३१२ मत ल्याउनुभएको छ । यसअघि २०७४ को स्थानीय तहको निर्वाचनमा माओवादी केन्द्रले अध्यक्ष र उपाध्यक्ष जितेको थियो । नेकपा (एमाले)का सुरतबहादुर शाहीले एक हजार ५३८ मत प्राप्त गरेका छन् ।
