काठमाडौँ, वैशाख २३ : कुवेतको जजिरा एयरवेजले भैरहवास्थित गौतम बुद्ध अन्तर्राष्ट्रिय विमानस्थलमा जेठ २ गतेदेखि उडान गर्ने भएको छ । विमानस्थल व्यावसायिक रूपमा सञ्चालनमा आउने पहिलो दिनदेखि नै जजिराले उडान गर्न लागेको हो ।
जजिराको उक्त उडान भैरहवा अन्तर्राष्ट्रिय विमानस्थलमा हुने पहिलो अन्तर्राष्ट्रिय उडान हुनेछ । जजिराले कुवेत अन्तर्राष्ट्रिय विमानस्थलबाट गौतम बुद्ध विमानस्थलमा हप्तामा तीन उडान गर्ने उडान गर्ने नेपाल नागरिक उड्डयन प्राधिकरणले जनाएको छ । यसका लागि जजिराले एकतर्फी भाडा ३० हजार २१४ रुपियाँ तोकेको छ ।
