काठमाडौँ, फागुन ६ : रामजी ज्ञवालीको लेखन तथा निर्देशन रहेको सर्ट फिल्म ‘हनिमुन’ सार्वजनिक गरिएको छ । फिल्ममा विवाहपछि श्रीमान् र श्रीमतीको हनिमुनको दिन एउटा सानो कारणले पनि ठुलो झगडाको रुप लिनसक्छ भन्ने सन्देश दिन खोजेको छ ।
एउटा केटाकेटीले विवाहका लागि राजी हुनुअगाडि त्यसको विगतलाई पनि स्वीकार्नुपर्छ, हैनभने त्यसले विवाहित जीवनमा ठुलो असर पार्नसक्ने सन्देश दिन खोजेको छ ।
फिल्म करिब १७ मिनेटको छ। एउटा पूर्ण फिल्म हेरे झै अनुभूति हुने दावी गरिएको छ ।फिल्ममा विशाल कटवाल र प्रतिभा केसीको अभिनय देख्न सकिन्छ ।
यो फिल्ममा विजय अर्यालको आवाज, विशाल निरौलाको म्युजिक, योगेश गाजीको व्याकग्राउण्ड म्युजिक तथा मिक्सिङ, साहिल खान र मिलन श्रेष्ठको सम्पादन छ ।
