काठमाडौँ, फागुन ४ : नायिका पूजा शर्माले नायक पल शाहको तारिफ गर्नु भएको छ ।आज आयोजित चलचित्र ‘म यस्तो गीत गाउँछु २’को प्रमोसनल गीत रिलिज कार्यक्रममा बोल्दै नायिका शर्माले पल शाहको तारिफ गर्नु भएको हो ।
‘हिरो होस् त पल शाह जस्तो । किनकि, आज सुदर्शन थापा एउटा काम गरिरहनुभएको हुन्छ । म पनि चलचित्रका लागि नै दौडधुप गरिरहेको हुन्छ । हाम्रो टिम धेरै छैन । तर पनि…,’ यति बोल्दै उहाँ भक्कानिनु भयो ।
उहाँले दुई वर्षदेखि चलचित्रको काम रोकिएको भन्दै आजका दिन दर्शकमाझ ल्याउने क्रममा कलाकार र मिडियाको साथ पाएको बताउनु भयो ।‘म यस्तो गीत गाउँछु बनाउने क्रममा जब हामीले पलको नाम लिँदा सबै सकारात्मक हुनुहुन्थ्यो । चलचित्र पनि निक्कै राम्रो चल्यो,’ उहाँले भन्नु भयो ।
पूजाले अन्य कलाकारहरुले आफ्नो चलचित्रको लागि यति धेरै नसोच्ने भन्दै पलले आजका दिनमा चलचित्रलाई दिएको साथका लागि धन्यवाद दिनु भयो ।
