काठमाडौं, भदौ १४ : म्यान्चेष्टर यूनाइटेडले वल्भरहयाम्पटन वान्डरर्सलाई हराएको छ । इंग्लीश प्रिमियर लिग अन्तरगत गए राति सम्पन्न खेलमा म्यान्चेष्टर यूनाइटेडले वल्भ्समाथि १–० को जित हात पार्यो ।
दुई दिन अघि मात्रै म्यान्चेष्टर यूनाइटेडले क्रिष्टियानो रोनाल्डो युभेन्ट्सबाट सर्न सहमत हुनुभएको जनाएको थियो । उक्त सहमतिको असर यूनाइटेड र वल्भ्सबीचको खेलमा समेत देखियो । यूनाइटेडका आगन्तुक दर्शकले पटकपटक रोनाल्डोको नाम लिँदै उत्साह बढाउने काम गरेपछि यूनाइटेडले संघर्षपूर्ण जित निकाल्न सफल भयो ।
पहिलो हाफ गोलरहित बराबरीमा सकिएको खेलको दोस्रो हाफको उत्तराद्र्धतिर मात्रै म्यान्चेष्टर यूनाइटेडले गोल गर्न सफल भयो । मेसन ग्रीनऊडले ८० औं मिनेटमा गर्नुभएको गोल नै खेलको निर्णायक गोल रहन गयो । जितसँगै म्यान्चेष्टर यूनाइटेड अङ्कतालिकाको तेस्रो स्थानमा उक्लेको छ । तीन खेलपछि उसको सात अङ्क छ ।
