काठमाडौं, भदौ १२ : पेरिस सैन्ट जर्माइन(पीएसजी)ले क्लियन म्बाप्पेको विस्थापन खोज्दैछ । २२ वर्षीय क्लियन रियल मड्रिड जाने तर्खरमा हुनुहुन्छ । रियल मड्रिडसँग सहमति भएर सम्झौता भएको अवस्थाका लागि पीएसजीले अहिलेदेखि नै उहाँको विस्थापन खोज्न थालेको हो ।
पीएसजीले म्बाप्पेको स्थानमा एभर्टनका ब्राजिली फरवार्ड रिचार्लिसन, म्यान्चेष्टर सिटीका ब्राजिली फरवार्ड गेब्रेल जिसस र बोरसिया डर्टमन्डका नर्वेली फरवार्ड एर्लिङ्ग ब्रौट हाल्याण्डमाथि आँखा जमाएको छ । यता युभेन्ट्सले भने ३६ वर्षिय स्टार खेलाडी क्रिष्टियानो रोनाल्डोको बिस्थापित गर्ने खेलाडीको खोजीमा छन् ।
रोनाल्डो युभेन्ट्स छोडेर म्यान्चेष्टर यूनाइटेड पुग्नुभएको छ । उहाँले स्थानमा युभेन्ट्सले बेल्जियमका विंगर इडेन हजार्डमाथि चासो देखाएको छ । म्यान्चेष्टर यूनाइटेडले भने उरुग्वेका स्ट्राइकर एडिन्सन कभानीलाई बिक्री गर्ने कुनै योजना बनाएको छैन ।
