काठमाडौं, साउन २२ : अखिल नेपाल फुटबल सङ्घ (एन्फा)ले सी डिभिजन लिग छनाेट खेल्न टोली दर्ता गराउने म्याद थपेको छ । छनाेट प्रतियोगिता भदौ १० गतेबाट सञ्चालन हुनेछ ।
एन्फाले २०७८ को लिगमा सहभागिताका लागि छनाेट खेल्ने टोली दर्ताको म्याद साउन मसान्तसम्म थपिएको जनाएको छ । यसअघि सी डिभिजन लिग खेल्ने टोली दर्ताको म्यान साउन २५ गतेसम्म तोकिएको थियो । तर फुटबल क्लबहरुले टोली दर्ताको समय बढाउन माग गरेपछि एन्फाले म्याद थपेको जनाइएको छ ।
