काठमाडौं, जेठ १७ : म्यान्चेष्टर सिटीका स्ट्राइकर सर्जियो अग्वेरो बार्सिलोनामा आबद्ध हुनुहुने भएको छ । जुन अन्तिममा अग्वेरोको सिटीसँगको अनुबन्धन समाप्त हुँदैछ ।
३२ वर्षीय आर्जेन्टाइन अग्वेरोले म्यान्चेष्टर सिटीमा दश वर्षसम्म रहेर क्लब त्याग्न लाग्नुभएको छ । सिटीका लागि ३९० खेलमा प्रतिनिधित्व गर्नुभएका अग्वेरो क्लबका सबैभन्दा बढी गोलकत्र्ताको सूचीमा हुनुहुन्छ । उहाँले २६० गोल गर्नुभएको छ । पछिल्लो पटक च्याम्पियन्स लिगको फाइनलमा चेलसी बिरुद्ध खेल्दा सिटीले उहाँलाई बेञ्चमा राखेको थियो ।
बार्सिलोनामा उहाँले दुई वर्षका लागि अनुबन्धनको हस्ताक्षर गर्ने बुझिएको छ । उक्त अबधिका लागि बार्सिलोनाले दश करोड यूरो प्रदान गर्नेछ । ला लिगामा तेस्रो स्थानमा चित्त बुझाएको बार्सिलोनाले लियोनल मेस्सीका नजिकका साथी समेत रहनुभएका अग्वेरोको आगमनले प्रदर्शनमा सुधार गर्ने अपेक्षा गरिएको छ ।
