काठमाडौं, चैत २९ : साताको पहिलो दिन आइतबार सुनको मूल्यमा सामान्य गिरावट आएको छ । आइतबार सुन तोलामा चार सयले घटेको नेपाल सुनचाँदी व्यवसायी महासंघले जनाएको छ ।
शुक्रबार ८९ हजार ९ सयमा कारोबार भएको छापावाल सुन आज तोलाको ८९ हजार ५०० मा कारोबार भइरहेको छ । त्यस्तै तेजाबी सुन आज तोलामा ८९ हजार ५० रुपैयाँ कायम गरिएको महासंघले जनाएको छ ।
यसैगरी चाँदीको मूल्य पाँच रुपैयाँले घटेको छ । शुक्रबार एक हजार २८० रुपैयाँमा कारोबार भएको चाँदी आइतबार एक हजार २७५ रुपैयाँमा कारोबार भइरहेको छ ।
