काठमाडौं, फाल्गुन ५ : करोलिना मुखोभाले शीर्ष वरीयताकी आश्ले बार्टीलाई हराएर अष्ट्रेलियन ओपनको सेमिफाइनलमा पुग्नुभएको छ । मुखोभा पहिलो पटक कुनै ग्राण्ड स्लामको सेमिफाइनलसम्मको यात्रा गर्नुभएको हो ।
२५ औं वरीयताकी चेक रिपब्लिककी मुखोभाले मेलबर्न पार्कमा आश्लेलाई १–६ ६–३ ६–२ ले हराउनुभयो । आश्ले बाटीले पहिलो सेट जितेर उत्कृष्ट सुरुवात गर्नुभयो । तर बाँकीको दुई सेट जित्न मुखोभालाई रोक्न असफल हुनुभयो ।
मुखोभाले सेमीफाइनलमा अमेरिकी जेनिफर ब्राडीको सामना गर्नुहुनेछ । ब्राडीले जेस्सिका पेगुलालाई ४–६ ६–२ ६–१ ले हराउनुभएको थियो ।
