काठमाडौं, पुस १८ : म्यान्चेष्टर यूनाइटेडले प्रिमियर लिगको शिर्ष स्थानमा रहेको लिभरपुलसँग अङ्क बराबरी गरेको छ । सामान १६ खेलबाट लिभरपुल र म्यान्चेष्टर यूनाइटेडले ३३ अङ्क बटुलेको हो । गोल अन्तरको आधारमा लिभरपुल शिर्ष स्थानमा यथावत छ ।
प्रिमियर लिग अन्तगर्त गए राति अबेर सम्पन्न खेलमा म्यान्चेष्टर यूनाइटेडले आष्टनभिल्लामाथि २–१ को जित हात पार्यो । यूनाइटेडको जारी लिगमा दश खेलमा यो आठौं जित हो । यूनाइटेडका लागि ब्रुनो फर्नान्डिसले गर्नुभएको पेनाल्टी गोल जिद्दी आष्टनभिल्लामाथि २–१ को जित दिलाउन निर्णायक रह्यो । फर्नान्डिसले लिगको जारी संस्करणमा ११ औं गोल पुरा गर्नुभयो ।
त्यसअघि एन्टोनी मार्सलले ४० औं मिनेटमा हेडरमार्फत् गोल गर्दै यूनाइटेडलाई १–० को अग्रता दिलाउनुभयो । तर दोस्रो हाफमा ५८ औं मिनेटमा बर्ट«ान्ड ट्रौरको संयमित गोलले भिल्लालाई १–१ को बराबरीमा पुर्यायो । फर्नान्डिसले ६१ औं मिनेटमा पाएको पेनाल्टीको अबसरलाई गोलमा परिणत गर्दा यूनाइटेडले जितसँगै अङ्कतालिकामा शिर्ष स्थानको लिभरपुलसँग बराबरी ग-यो ।
