काठमाडौ, भदौ २८ : काठमाडौं उपत्यकामा ५९७ सहित थप १ हजार ३९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा १ हजार ३९ जनामा कोरोना संक्रमण पुष्टि भएको हो ।
पछिल्लो २४ घन्टामा काठमाडौं उपत्यकामा ५ सय ९७ संक्रमित थपिएका छन् । जसमध्ये काठमाडौंमा ४ सय ८३ , ललितपुरमा ३३ र भक्तपुरमा ८१ जना रहेका छन् । पछिल्लो २४ घन्टामा१ हजार १ सय ७३ जना कोरोना संक्रमित निको भइ डिस्चार्ज भएका छन् ।
यो सँगै नेपालमा कोरोना जित्नेको संख्या ३८ हजार ९७ पुगेको छ । हाल नेपालमा १५ हजार ७ सय १७ सक्रिय संक्रमित रहेका छन् । हाल नेपालमा १ सय ६९जना आइसियु र २३ जना भेन्टिलेटरमा उपचाररत छन् ।
