काठमाडौं, भदौ २० : रुसमा विकास गरिएको कोभिड-१९ विरुद्धको खोपको पछिल्लो ७६ जनामा गरिएको परीक्षणबाट निकै सकारात्मक परिणाम देखापरेको रुसी अधिकारीहरुले बताएका छन् । बीबीसीका अनुसार सो खोपको परीक्षण जुन र जुलाइमा सुरु गएिको र त्यसमा दुई पटकमा हरेक समुहमा ३८ जना स्वस्थ व्यक्ति समावेश गरिएको थियो ।
उनीहरुलाई पहिलो पटक सो खोप दिनुका साथै त्यसको तीन हप्ता पछि बुस्टर डोज दिइएको थियो । सो खोपको परीक्षणमा १८ देखि ६० वर्ष उमेर समूहका व्यक्ति समावेस थिए र उनीहरुलाई खोप दिइएको ४२ दिन पछि परीक्षण गर्दा सबै जनाले तीन हप्ता भित्रैमा रोगसँग लड्ने एन्टिबडी पैदा भइ सकेको थियो । अध्यनका क्रममा सबैमा टाउको दुख्ने र जोर्नी दुख्ने साइड इफेक्ट भने पाइएको थियो र अन्य कुनै गम्भीर साइड इफेक्ट थिएन ।
हालै दि लेनसेट नामक जर्नलमा प्रकाशित रिपोटमा सो खोपले बलियो प्रतिरोधि क्षमता विकास गरेको उल्लेख गरिएको छ । सो खोपका विषयमा पर्याप्त अध्ययन नपुगेको र यसलाई अझै धेरै मानिसमा परीक्षण गरिनु पर्ने बेलायतको इम्पेरियल कलेजका एक्सपेरिमेन्टल मेडिसिनका प्राध्यापक पिटर ओपेन्सोले बताउनुभएको छ ।
सो खोपको परीक्षण रुसी राष्ट्रपति भ्यादिमिर पुटिनको छोरीमा पनि गरिएको र उनले राम्रो अनुभव गर्नुका साथै उनमा धेरै मात्रामा एन्टिबढी उत्पन्न भएको पुटिनले जानकारी गराउनुभएको समाचारमा जनाइएको छ । सो खोप मुख्य रुपमा निशर्त रुपमा सुरक्षित हुनुका साथै भिविश्यमा प्रभावकारी हुनु पर्ने छ । रुसले सो खोपको ठूलो संख्यामा यही सेप्टेम्बरमा उत्पादन थाल्ने र एक वर्षमा ५० करोड डोज उपलब्ध गराउन सकिने बताइएको छ ।
सो खोपबारे अमेरिकी ब्राउन युनिभरसिटीको जनस्वास्थ्य विभागका डिन आषिस झाले सो खोप सुरक्षित छ र त्यसले काम गर्छ गर्दैन भन्ने आफूहरुलाई ज्ञान नभएको बिबिसीलाई उद्धृत गर्दै गोरखापत्र अनलाइनमा उल्लेख छ ।
