काठमाडौं, भदौ १८ : मुम्बई इन्डियन्सका तिब्र गतिका बलर लासिथ मलिंगाले इन्डियन प्रिमियर लिगको २०२० संस्करणबाट आफ्नो नाम फित्र्ता लिनुभएको छ । अष्ट्रेलियाका तिब्र गतिका बलर जेम्स पेट्टिन्सनलाई उहाँको स्थानमा खेल्नुहुने भएको छ ।
मलिंगाले ब्यक्तिगत् कारणले आफू सहभागी हुन नसक्ने जनाउनुभएको हो । मलिंगा प्रिमियर लिगमा सबैभन्दा बढी विकेट लिने बलर हुनुहुन्छ । सञ्चारमाध्यमहरुका अनुसार मलिंगाका बुवा बिरामी रहेको र अगामी केही साताभित्र शल्यक्रिया गर्नुपर्ने भएकोले उहाँ ब्यक्तिगत् र पारिवारिक कारणले आइपीएलमा सहभागी नहुने निर्णयमा पुग्नुभएको हो ।
प्रिमियर लिगको आगामी संस्करण सेप्टेम्बर १९ मा सुरु भई नोभेम्बर १० सम्म यूएइमा हुँदैछ । मलिंगा नखेल्ने भएपछि मुम्बई इन्डियन्समा उहाँको स्थानमा अष्ट्रेलियाका पेट्टिन्सन, भारतीय बलर जसप्रित बुमराह र न्युजिल्याण्डका ट्रे«न्ट बौल्टले तिब्र बलिंगको जिम्मेवारी सम्हाल्नेछन् ।
