काठमाडौँ, भदौ ५ : पाकिस्तान क्रिकेट बोर्डले इंग्ल्याण्डविरुद्धको तीन म्याचको टी ट्वान्टी श्रृङ्खलाका लागि १७ सदस्यीय टाेलीको घोषणा गरेको छ । इंग्ल्याण्ड भ्रमणमा रहेको पाकिस्तानले अगष्ट अन्तिम साता पहिलो टी ट्वान्टी म्याच खेल्नेछ ।
इंग्ल्याण्डविरुद्ध टी ट्वान्टी खेलमा पाकिस्तान क्रिकेट टाेलीको अगुवाइ बाबर आजमले गर्नुहुनेछ । टाेलीमा हैदर अलि र नसीम शाह नयाँ अनुहारका रुपमा स्थान पाएका छन् । हैदर ब्याट्सम्यान र नसीम तीव्र गतिका बलर हुनुहुन्छ । तीव्र गतिका बलर वहाब रियाज र मोहम्मद आमिरको टाेलीमा पुनरागमन भएको छ ।
टाेलीका अन्य सदस्यहरूमा फखर जमान, हैदर अली, हरिश रौफ, इफ्तिखार अहमद, इमाद वसिम, खुशदील शाह र मोहम्मद हफिज अटाएका छन् । त्यसैगरी, मोहम्मद हस्नैन, मोहम्मद रिजवान, मोहम्मद आमिर, सरफराज अहमद, शदब खान, शाहीन अलि अफ्रिदी, शोएब मल्लिक र वहाब रियाज समेत टाेलीमा अटाएका छन् ।
पाकिस्तानले अगष्ट २८ का दिन इंग्ल्याण्डविरुद्ध पहिलो टी ट्वान्टी अन्तर्राष्ट्रिय खेल्नेछ । तेस्रो तथा अन्तिम टी ट्वान्टी सेप्टेम्बर १ का दिन खेलाइनेछ ।
