प्यूठान, साउन ४ : प्यूठानमा ट्याक्टर दुर्घटना हुदा ७ जनाको मृत्यु भएको छ । गए राती १२ः५५ वजेको समयमा स्वर्गद्वारी नगरपालिका ३ रुमालेमा लु २ च ४२३४ नम्वरको ट्याक्टर दुर्घटना हुँदा सात जनाको मृत्यु भएको जिल्ला प्रहरी कार्यालय प्यूठानले जनाएको छ ।
मृत्यु हुने सबै रोल्पाका रहेको र पहिचान खुलि नसकेको जिल्ला प्रहरी कार्यालयका प्रहरी निरीक्षक विष्णु पौडेलले जानकारी दिनुभयो । साउने संक्रान्ती मानेर फर्कने क्रममा दुर्घटना भएको उहाँको भनाई छ । उहाँका अनुसार ट्याक्टरमा सवार एक जना भने बाच्न सफल भएका छन् । ट्याक्टर सडकबाट अन्दाजी ५०० मिटर तल छ ।
ज्यान गुमाउने सात जनाको परिचय खुल्यो
प्यूठानमा ट्याक्टर दुर्घटनामा मृत्यु भएका ब्यक्तिको पहिचान खुलेको छ । मृत्यु हुनेमा रोल्पा रुन्टिगढि गाउँपालिका–५ वाईजाका अन्दाजी २१ वर्षिय सागर वस्नेत, २४ वर्षीय रिमवहादुर वस्नेत, १९वर्षीय विरेन्द्र वाठा मगर, १९ वर्षीय थमन वाठा मगर, गोर्वधन वुढामगर, २५ वर्षीय कविराम वस्नेत रहेका छन् ।
त्यस्तै ट्याक्टर चालक त्रिवेणि गाउँपालिकाका अन्दाजी २५ वर्षिय कमल कुवरको पनि मृत्यु भएको प्यूठान प्रहरीका सूचना अधिकारी प्रहरी निरिक्षक विष्णु पौडेलले जानकारी दिनुभयो ।स्वर्गद्वारीको धरम्पानीबाट भिंगृ तर्फ गुडेको ट्याक्टर नगरपालिका वडा नं. ३ रुमालेमा दुर्घटना भएको थियो ।
