सिरहा, असार १६ : सिरहा नगरपालिका–१४ खिरौनास्थित कुलोको डिलमा सशस्त्र प्रहरीका एक जवान मृत्त अवस्थामा फेला परेका छन् ।
सिरहाको भन्सार कार्यालय माडरसँगै रहेको बोर्डर आउट पोस्टमा कार्यरत सशस्त्रका प्रहरी जवान मनोहरकुमार यादव कुलोको डिलमा मृत अवस्थामा फेला पर्नुभएकाे हाे । महोत्तरीको सोनमा गाउँपालिका–३ घर भई माडरमा खटिएका मृतक यादव सोमबारदेखि नै बोर्डर आउट पोष्टको सम्पर्कभन्दा बाहिर हुनुहुन्थ्यो ।
मृतक यादवको शव मङ्गलबार दिउँसो १ बजे फेला परेको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक विनोद घिमिरेले जानकारी दिनुभयो । शवको प्रकृति हेर्दा यादवको हत्या भएको देखिएको र हत्याको अनुसन्धान गर्न जिल्ला प्रहरी कार्यालय र सशस्त्र प्रहरी नेपाल ७ नंं. गण हेडक्वार्टर सिरहाको संयुक्त टोली घटनास्थलमै रहेको प्रनाउ घिमिरेले बताउनुभयो ।
