काठमाडौं, जेठ ४ : मन्त्रिपरिषदले चैत ११ गतेदेखि जारी लक डाउन (बन्दाबन्दी) जेठ २० गतेसम्म थप गरेको छ । जेठ ५ गतेदेखि लक डाउनकाे अवधि सकिने तय भएसँगै पछिल्लो पटकको निर्णय अनुसार जेठ २० गतेसम्म लक डाउन लम्ब्याइएको हो । साे कुराकाे जानकारी नेपाल सरकारका प्रवक्ता डा.युवराज खतिवडाले जानकारी गराउनुभयाे ।
मन्त्रीपरिषद्को आईतबार साँझ बसेको बैठकले लकडाउन थप गर्ने निर्णय गरेको हो । मन्त्रीपरिषद्को निर्णय सार्वजनिक गर्न आयोजित पत्रकार सम्मेलनमा सञ्चार तथा सूचना प्रविधि मन्त्री युवराज खतिवडाले लकडाउन जेठ २० गतेसम्मका लागि थप गरिएको जानकारी दिनुभयो ।आज सिंहदरबारमा बसेको बैठकले कोरोनाको रोकथामका लागि लकडाउनको उपादयता भएको उल्लेख गर्दै यसलाई थप व्यबस्थित र कडाइ गर्न सिफारिस गरेको थियो ।
त्यस्तै जथाभावी रुपमा गरिएका थुनछेक अवरोध हटाउने र सबै स्थानमा प्रहरी परिचालन गनु पर्ने तथा आपूर्ति ब्यबस्थालाई थप व्यबस्थित गर्ने जस्ता विषयमा पनि सिफारिस गरेको थियो । यस्तै स्थानीय स्तरमा क्वारेन्टाइन थप्न पनि बैठकले सिफारिस गरेको थियो । कोरोना भाइरसको सङ्क्रमण बढिरहेको र सङ्क्रमित दुईजनाको ज्यान गएकाले लक डाउन लम्ब्याउन उपयुक्त भएको बताइएको छ ।
